លក្ខខណ្ឌប្រព័ន្ធ

ការគាំទ្រ / ការគាំទ្របច្ចេកទេស / លក្ខខណ្ឌប្រព័ន្ធ

លក្ខខណ្ឌប្រព័ន្ធ

សូមមើលតារាងខាងក្រោម ដើម្បីដឹងពីរូបសណ្ឋានប្រព័ន្ធអប្បបរមា និងបានផ្តល់អនុសាសន៍សម្រាប់ Mastercam។ អនុសាសន៍ទាំងនេះផ្អែកលើប្រព័ន្ធដែលយើងខ្ញុំកំពុងប្រើនៅក្រុមហ៊ុន CNC Software សម្រាប់បំណងការធ្វើតេស្ត និងវាយតម្លៃ។ អនុសាសន៍របស់យើងខ្ញុំ គឺត្រូវប្រើប្រាស់ថាមពលឱ្យបានច្រើនបំផុត (ដូចជា ឧបករណ៍ដំណើរការ កាតអេក្រង់ និងអង្គចងចាំ) សម្រាប់ប្រព័ន្ធរបស់អ្នក។

	Minimum	Recommended
OS	Windows 10 or Windows 11 64-bit Professional	Windows 10 (version 20H2 or later) 64-bit Professional
Processor	Intel® or AMD 64-bit processor, 2.4 GHz or faster	Intel i7 or Xeon® E3, Kaby Lake or later, 3.2GHz or faster
Memory	8 GB	32 GB
Video	OpenGL 3.2 and OpenCL 1.2 support with 1 GB memory. No onboard graphics.	NVIDIA Quadro® or AMD FirePro™ / Radeon Pro card with 4 GB (or higher) dedicated memory.
Monitor	1920 * 1080 resolution	1920 * 1080 resolution, dual monitors
Storage	Solid State Drive (SSD) with at least 20 GB free and a USB 2.0 reader (for installation media)	NVMe Drive with at least 20GB free
3D Mouse		3Dconnexion 3D mouse

គួរតែមានការតភ្ជាប់អ៊ីនធឺណិត និងអ៊ីមែល ដើម្បីធ្វើការដំឡើង ការគាំទ្រ និងបច្ចុប្បន្នភាព។

រូបសណ្ឋានលម្អិត

ប្រព័ន្ធប្រតិបត្តិការ

CNC Software តែងតែពិនិត្យលើលក្ខខណ្ឌអាប់ដេតប្រព័ន្ធប្រតិបត្តិការ (OS) សម្រាប់កម្មវិធី Mastercam របស់អតិថិជន ដើម្បីផ្តល់បទពិសោធន៍ប្រើប្រាស់ល្អបំផុត។

អ្នកគួរតែប្រើ Windows 10 (កំណែ 20H2 ឡើងទៅ) ឬក៏កំណែ 64-bit Professional ថ្មីជាង។ ទោះបីជា Mastercam អាចដំណើរការបានលើកំណែ Windows ផ្សេងទៀត (ដូចជា Home Edition) ឬលើឬបរិស្ថាននិម្មិត (ដូចជា Parallels សម្រាប់ Mac) ក៏ដោយ ប៉ុន្តែមិនទាន់បានធ្វើតេស្តលើរូបសណ្ឋានទាំងនេះទេ ដូច្នេះមិនបានការគាំទ្រឡើយ។

Mastercam 2021 គឺជាកំណែចេញផ្សាយចុងក្រោយដើម្បីគាំទ្រ Windows 7 ពេលដែល Microsoft បានបញ្ចប់ការគាំទ្របន្ថែមសម្រាប់ប្រព័ន្ធប្រតិបត្តិការនេះក្នុងខែមករា ឆ្នាំ 2020។ Mastercam 2022 នឹងដំឡើងនៅលើប្រព័ន្ធ Windows 7 ប៉ុន្តែនឹងមិនត្រូវបានគាំទ្រទេ។ កំណែអនាគតរបស់ Mastercam នឹងមិនដំឡើងនៅលើ Windows 7 ឡើយ។

ឧបករណ៍ដំណើរការទិន្នន័យ

ល្បឿននៃឧបករណ៍ដំណើរការទិន្នន័យនឹងប៉ះពាល់ដល់ល្បឿនដែលកម្មវិធីគណនា និងបញ្ចប់កិច្ចការ។ ជាមួយនឹងការចេញផ្សាយនីតិវិធីថ្មីៗ កាន់តែមានច្រើនផ្នែករបស់ Mastercam មានតម្រូវការឱ្យប្រើប្រាស់ឧបករណ៍ដំណើរការទិន្នន័យពហុស្នូល។ ការគណនា និងក្លែងធ្វើស្នាមកាំបិតកាត់ក៏នឹងរត់លឿនជាងជាមួយឧបករណ៍ដំណើរការទិន្នន័យពហុស្នូល។ យើងខ្ញុំតែងតែឃើញពេលវេលាគណនាស្នាមកាំបិតកាត់បន្ថយចុះដល់ 50% ប្រសិនបើប្រើប្រាស់សុខុមប្រតិបត្តូបករណ៍ Intel i7 ឬ Xeon ជំនាន់ថ្មី។

អង្គចងចាំ

នៅពេល Mastercam ប្រើប្រាស់អស់អង្គចងចាំ (RAM) ដែលមានស្រាប់ វានឹងផ្លាស់ប្តូរទៅប្រើប្រាស់ទំហំអង្គចងចាំនិម្មិត ដែលបានរក្សាទុកនៅលើថាសរឹង ហើយវានឹងធ្វើឱ្យប្រព័ន្ធយឺតយ៉ាវយ៉ាងខ្លាំង។ យើងខ្ញុំផ្ដល់អនុសាសន៍ឱ្យប្រើអង្គចងចាំអប្បបរមា 8 GB។ សម្រាប់ការបង្កើត និងសម្រង់ស្នាមកាំបិតកាត់ធំៗ យើងខ្ញុំណែនាំឱ្យប្រើអង្គចងចាំ RAM ចំនួន 32 GB។

ឧបករណ៍ដំណើរការទិន្នន័យក្រាហ្វិក

នៅពេលទិញកុំព្យូទ័រថ្មីសម្រាប់ប្រើប្រាស់កម្មវិធី Mastercam ផ្នែកដែលសំខាន់បំផុតគឺជាកាតក្រាហ្វិក។

យើងខ្ញុំមានអនុសាសន៍ថាអ្នកគួរតែប្រើកាត NVIDIA Quadro® ឬ AMD FirePro™ / Radeon Pro ដែលមានអង្គចងចាំ 4GB ឬច្រើនជាងនេះ។ អាចប្រើកាតក្រាហ្វិកប្រភេទផ្សេងៗបាន ប៉ុន្តែត្រូវតែមានការគាំទ្រ OpenGL 3.2 និង OpenCL 1.2 ពេញលេញ។ OpenCL គឺចាំបាច់សម្រាប់ឱ្យ Mastercam អាចដំណើរការការងារគណនាផ្សេងៗតាមកាតក្រាហ្វិក ដើម្បីបង្កើនប្រសិទ្ធភាពប្រព័ន្ធ។

យើងខ្ញុំមិនផ្ដល់អនុសាសន៍ ឬគាំទ្រដល់ការប្រើប្រាស់ក្រាហ្វិកដែលបានអនុកូលស្រាប់លើរចនាសម្ព័ន្ធ PC ខ្លះទេ។ ជាធម្មតាវាមិនមានសមត្ថភាពបញ្ជាកម្មវិធីក្រាហ្វិកជម្រៅដូចជា Mastercam ហើយអាចបណ្តាលឱ្យប្រព័ន្ធមិនស្ថិរភាព។

កម្មវិធី Driver ថ្មីបំផុតសម្រាប់ NVIDIA និង AMD អាចរកបានតាមអ៊ីនធឺណិត។ យើងខ្ញុំមានអនុសាសន៍ថា អ្នកគួរតែប្រើមុខងារស្វែងរកដោយស្វ័យប្រវត្តិដើម្បីកំណត់ Card Video ត្រូវបានដំឡើងឬអត់។
អ្នកអាចស្វែងរកព័ត៌មានបន្ថែមអំពីការកំណត់រចនាសម្ព័ន្ធកាតក្រាហ្វិកនៅក្នុងអត្ថបទមូលដ្ឋានចំណេះដឹងរបស់ Mastercam ។

ម៉ូនីទ័រ

ប្រព័ន្ធផ្ទៃក្នុងរបស់យើងខ្ញុំភាគច្រើនប្រើម៉ូនីទ័រពីរ ហើយបង្ហាញថាជាការដំឡើងប្រកបដោយប្រសិទ្ធភាព។ Mastercam ត្រូវបានបង្ហាញនៅលើម៉ូនីទ័រចម្បង ខណៈដែលកម្មវិធីដូចជាដូចជា Mastercam Simulator, Code Expert ឬ Tool Manager ត្រូវបានបង្ហាញនៅលើម៉ូនីទ័របន្ទាប់បន្សំ។

កម្រិតបំបែកអប្បបរមាសម្រាប់ម៉ូនីទ័រចម្បងគឺកម្រិតបំបែក 1920*1080 ទូទៅរបស់ម៉ូនីទ័រធំសព្វថ្ងៃនេះ។ Mastercam អាចដំណើរការលើម៉ូនីទ័រដែលមានកម្រិបំបែកទាប ប៉ុន្តែត្រូវដឹងពីបញ្ហាទំហំដែលអាចកើតមានជាមួយប្រអប់ និងបន្ទះបញ្ជា។ ប៉ុន្តែ ម៉ូនីទ័រដែលមានកម្រិតបំបែកទាបអាចដំណើរការបានល្អដូចម៉ូនីទ័រទីពីរនៅក្នុងការដំឡើងម៉ូនីទ័រពីរ។

Mastercam អាចដំណើរការបានលើអេក្រង់ទំហំធំ រួមទាំងអេក្រង់ 4K និងឧបករណ៍ដែលមាន DPI ខ្ពស់ ប៉ុន្តែយើងខ្ញុំបានជួបបញ្ហាខ្លះៗទាក់ទងនឹងការបង្ហាញនៅលើការកំណត់រចនាសម្ព័ន្ធទាំងនេះ។

រក្សាទុក

យើងខ្ញុំឃើញថា ក្នុងចំណោមវិធីអាប់ក្រេដកុំព្យូទ័រដែលល្អបំផុត គឺការវិនិយោគទៅលើឧបករណ៍ផ្ទុកទិន្នន័យប្រភេទ NVMe។ ដ្រាយទាំងនេះមានតម្លៃសមរម្យ និងជាការវិនិយោគដ៏ល្អ។ ប្រព័ន្ធសាកល្បងជាច្រើនរបស់យើងខ្ញុំបានប្រើប្រាស់ថាស NVMe មូលដ្ឋានតូចជាងសម្រាប់ប្រព័ន្ធប្រតិបត្តិការ និងកម្មវិធីដែលបានដំឡើង ដោយមានដ្រាយធម្មតាដែលមានចំណុះធំទីពីរសម្រាប់ទិន្នន័យ។

កណ្ដុរ 3D

កូនកណ្ដុរ 3D ជួយបង្កើនសមត្ថភាពអន្តរកម្មជាមួយកម្មវិធី 3D។ វាត្រូវបានរចនាឡើងសម្រាប់ប្រើចំពោះដៃខុស ជាមួយនឹងកណ្ដុរស្ដង់ដារដើម្បីបង្កើតកន្លែងធ្វើការដែលមានតុល្យភាព។ អ្នកអាចបញ្ចេញសកម្មភាពយ៉ាងទន់ភ្លន់លើប៊ូតុងបញ្ជារបស់កណ្ដុរ 3D ដើម្បីពង្រីកបង្រួម និងបង្វិលក្រាហ្វិក 3D ពេលដែលអ្នកប្រើកណ្ដុរស្ដង់ដារ ដើម្បីជ្រើសរើសម៉ឺនុយ ឬផ្នែកនៃគំរូបានដោយសេរី។ ព័ត៌មានបច្ចេកទេស និងការកម៉្មងអាចរកឃើញបានលើគេហទំព័រ 3Dconnexion។

កម្មវិធីកម្ចាត់ VIRUS

សព្វថ្ងៃនេះ កុំព្យូទ័រភាគច្រើនតែងតែមានកម្មវិធីកម្ចាត់វីរុស ដើម្បីការពារកុំព្យូទ័រចេញពីវីរុសដែលមានគ្រោះថ្នាក់។ ប៉ុន្តែ មានពេលខ្លះគេជឿថាវារំខានដល់កម្មវិធីដែលកំពុងដំណើរការដូចជា Mastercam នៅលើ PC។ Mastercam Viet Nam មិនបានផ្តល់អនុសាសន៍ប្រើប្រាស់កម្មវិធីកម្ចាត់វីរុសណាមួយទេ ប៉ុន្តែបើអ្នកឃើញថាបញ្ហាដែលកើតឡើងក្នុងពេលប្រើប្រាស់វា ប្រហែលជាការប៉ះទង្គិចជាមួយកម្មវិធីកម្ចាត់វីរុសជាហេតុ។ ក្នុងករណីបែបនេះ អ្នកអាចសាកល្បងបិទកម្មវិធីកម្ចាត់វីរុសជាបណ្តោះអាសន្ន ដើម្បីដោះស្រាយបញ្ហានេះ។